Alver for barn og unge
Ein god oppvekst varar livet ut
Ein god barndom varar livet ut, og alle barn fortener og har rett på ein trygg barndom. Alver Arbeidarparti vil ha sterke lag rundt det enkelte barn, og vi ønskjer at Alver kommune skal vera ein føregangskommune i arbeidet for barn og unge.Tidleg innsats er avgjerande for at alle barn og unge skal bli vinnarar i eigne liv etter sine føresetnader.
Alle barn, uavhengig av bakgrunn, skal sikrast like vilkår for utdanning. Alle har same rett til å få utvikla evnene sine. Dette klarar vi best ved at alle går i ein god, offentleg fellesskule. Kvalitet i skulen oppnår vi med gode og mange nok lærarar, godt skulemateriell, miljøarbeidarar og ei god skulehelseteneste.
Alver Arbeidarparti vil:
- Arbeida for å auka talet på miljøarbeidarar og helsesjukepleiarar i skulen, og etablere ein strategi for miljøarbeid i skulen
- Arbeida strukturert og målretta for å sikra elevane sitt psykososiale læringsmiljø gjennom styrka innsats mot mobbing, utanforskap og einsemd
- At det skal byggjast ny ungdomsskule på Frekhaug
- Heva kompetansen på funksjonsutfordringar i skulen, både når det gjeld skuleangst, moglegheiter for tilrettelegging, utforming og samarbeid med skule og heim
- Tryggja eleven i overgangen til vidaregåande skule på ein måte som motverkar fråfall
- Innføra søskenmoderasjon ved overgang mellom barnhage og SFO
- Innføra gratis bind og tampongar på ungdomskulane i kommunen
- Ha fokus på tilbod til uorganisert ungdom og styrkja ungdomsklubbane
- Satsa vidare på tilbod som BUA for å sikra at alle barn og unge kan delta i aktivitetar på fritida
- Sikra lågterskeltilbod der alle kan delta uansett funksjonsutfordringar, både fysiske og psykisk